"Орёл и решка" Ошко келет

Популярдуу "Орёл и решка" туристтик шоусу Кыргызстанга келүүнү пландап жатат. Бул тууралуу уюштуруучулар расмий Instagram баракчасында жарыялашты.

Маалыматка ылайык, бул жолу алып баруучулар Кыргызстандын түштүк борбору - Ош шаарына келишет. Алар 4-июлдан 11-июлга чейин Ошто болушат.

Учурда продюсерлери тартуу иштерине көмөк көрсөтүү үчүн Ош шаарындагы жергиликтүү тургундарын издеп жатат.

 Эске сала кетсек, "Орёл и Решка" туристтик шоусу Кыргызстанга 2013-жылы келишкен. Анда алар кыргыз өлкөсүнүн тоолорунун кооздугу, салты, маданият жана меймандостугу көрсөтүшкөн.