Орусияга агылган мигранттардын саны кескин кыскарганы айтылды

Орусияда акыркы учурда мигранттардын саны кескин кыскарган. Бул тууралуу орусиянын Ички иштер министрлигинин сайтына жарыяланган маалыматка таянып “Барометр” билдирет.

"Буга чейин өлкөгө эмгек мигранты болуп келгендердин саны 9 миллиондон 11 миллионго чейин жетип келген. Быйыл алардын саны бара-бара кыскарып, учурда 6,3 миллион адамга жетти ", - деп айтылат билдирүүдө.

Ошол эле учурда, бир миллион адам  орусиянын аймактарында убактылуу жашоого уруксат алышкан.

Департамент ошондой эле, катталган эмгек мигранттарынын көпчүлүгү патенттин негизинде иштешет деп кошумчалады.

"2020-жылдын 1-ноябрына карата Россия Федерациясында патенттин негизинде 1,3 миллион чет элдик жаран иштейт (былтыркы жылдын ушул мезгилинде - 1,7 миллион), анын 85 миңи жумушка орношууга уруксат алышкан. Евразия экономикалык өлкөлөрүнүн жарандары менен профсоюз 368 миң эмгек же жарандык келишим түздү", - деп белгилешти Ички иштер министрлигинен.

Мындан тышкары, Россиядагы чет элдик жарандардын эң көп категориясы ири шаарлардагы жана экономикалык борборлордогу эмгек мигранттары экендиги кабарланууда.