Опера жана балет театрынын аталышы өзгөртүлдү

Абдылас Малдыбаев атындагы кыргыз улуттук академиялык опера жана балет театрынын аталышына өзгөртүү киргизилди. Бул тууралуу өкмөттүн маалымат кызматына шилтеме берип "Барометр" билдирет.

Маалым болгондой, Кыргызстандын көрүнүктүү композиторунун атынан коюлган маданий жай Абдылас Малдыбаев атындагы В.И.Ленин ордендүү Кыргыз улуттук академиялык опера жана балет театры мамлекеттик мекемеси деп өзгөртүлдү.

"2021-жылдын 22-февралындагы №57 токтомуна ылайык, "Абдылас Малдыбаев атындагы Кыргыз улуттук академиялык опера жана балет театрынын" деген сөздөр "Абдылас Малдыбаев атындагы В.И.Ленин ордендүү Кыргыз улуттук академиялык опера жана балет театры" мамлекеттик мекемеси" деген сөздөр менен алмаштырылсын", - деп жазылган өкмөттүн токтомунда.