Олимпиада оюндары: Роман Петров 32-орунду ээледи

Кыргызстандык спортчу Роман Петров Токиодо өткөн Олимпиада оюндарында 32-орунду ээледи.Бул тууралуу "Барометр" маалымдайт.

Ал 25-июлда фехтование боюнча турнирге катышкан, баардыгы болуп 36 спортчунун арасында ат салышты.

Чүчүкулак кармоонун негизинде кыргызстандык 1/32 финалда беттешип, кореялык спортчуну жеңген. Кийинки беттешке дүйнөлүк рейтингде 4-орунда турган Япониянын спортчусу Ямада Масару менен чыкты.

Катуу кармашта япондук спортчу жеңишке жетти.

Жыйынтыктоочу протоколдо кыргызстандык 32-орунду ээледи. Жеңүүчү франциялык спортчу болду.