Окумуштуулар ракка каршы жаңы жасалган дары-дармектердин арзан аналогун түзүштү

Рак клеткалары менен натыйжалуу күрөшүүгө жөндөмдүү никелдин негизиндеги бирикмелер дүйнөдө биринчи жолу Тюмень мамлекеттик университетинин катышуусунда эл аралык окумуштуулар тобу тарабынан түзүлдү. Бул тууралуу New Journal of Chemistry журналына шилтеме берип “Барометр” которду.

Авторлордун айтымында, жаңы табылган дары бүгүнкү күндөгү колдонулуп жаткан дары-дармектерден айырмаланып, рактын туруктуулугун жогорулатуу көйгөйүн чечет. Мындан тышкары, ал аналогдорго караганда арзан жана коопсуз.

Платинанын туундулары бүгүнкү күндө рактын ар кандай түрлөрүнө каршы күрөшүүдө кеңири колдонулат. Бирок, изилдөөнүн авторлорунун айтымында, мындай дары-дармектер кымбат, терс таасирлерин тийгизишет жана андан тышкары рак клеткалары аларга тез эле туруштук бере башташат.

Окумуштуулардын айтымында, никель платинага жакын келечектүү альтернатива болуп саналат, бул анын эң жакын электрондук аналогу жана андан тышкары, бир нече эсе арзан.

Тюмень мамлекеттик университетинин Түркия, Иран жана Испаниянын адистери менен биргеликте жүргүзгөн изилдөөсүнүн натыйжасында, биринчи жолу никелдин негизиндеги эки жаңы кошулма алынды, бул өпкөнүн рак клеткаларында шишикке каршы активдүүлүгүн көрсөттү.

"Никель, платинадан айырмаланып, молекулалардын кыйла бай геометриясын түзө алат, бул жаңы жана жакшыртылган касиеттерге ээ кошулмаларды пайда кылууга мүмкүндүк берет. Бул өсүп келе жаткан рак клеткаларына жана терс таасирлерге каршы күрөшүп, дарыны жакшыртууну жеңилдетет. ", - деп түшүндүрдү Тюмень мамлекеттик университетинин Органикалык эмес жана физикалык химия кафедрасынын профессору Дамир Сафин.

Келечекте эл аралык изилдөө тобу жаңы дарылардын касиеттерин жакшыртуу боюнча ишти улантууну пландаштырууда.