Окумуштуулар адамдар эмнеге бири-бирин сүйүп каларын аныкташты

Окумуштуулар адамдар эмнеге бири-бирин жактырып, аны менен төшөк кумарына баргысы келе турганынын сырын аныкташты. Окумуштуу, белгилүү психолог Эрик Хазелтайн изилдөө жүргүзүп көрүп, сексуалдык кумарлануу жана сүйүү бейаңсезимдин деңгээлинде иштей турган бир нече сигналдардан улам келип чыгат деп аныктаган.

Аталган изилдөөнүн жыйынтыгына таянсак, биринчи кезекте сүйгөн адамдын бет түзүлүшү менен денесинин түзүлүшүнө карап ашыктык оту тутанышы толук мүмкүн экен, ошол эле маалда үчүнчү орунда эле жыт турарын белгилешти. Бирок ошол эле учурда адамдагы табигый тердин жыты сексуалдык кумардануу менен сүйүүдө бет түзүлүш менен денеге караганда алда канча күчтүү роль аткарышы мүмкүн экенин баса белгилешти. Тактап айтканда сиз жыты жаккан адамды гана сүйүп кала аласыз.

Анткени мээ жыттан улам өзүнүн жана башка бир адамдын иммундук системасын салыштырып  көрөт жана канчалык адамдардын иммундук системасы менен гени ар башкача болсо ошончолук бөтөн адамга симпатия берет. Организмдин өзүнүн “түшүнүгү” боюнча иммундук системасы жана гени айырмаланган адамдардын балдарынын микробдордон коргонушу да ошончолук күчтүү болот.

Кыргыздарда да алыс жактан үйлөнүүгө артыкчылык берип келишкен.Ал эми башка улуттан үйлөнгөн жуптардын балдарын “курама темир курч болот, акылдуу балдар төрөлөт” деп эсептешкен.