Ноокенде эки унаа кагылышып, үч адам каза болду

Бишкек-Ош унаа жолунун 498-чакырымында жол кырсыктан үч адам каза болуп, үч адам жаракат алды. Бул тууралуу ӨКМдин басма сөз кызматына таянып "Барометр" билдирет.

Кечээ, 30-ноябрда Ноокен районунда саат 23:08де Бишкек-Ош унаа жолунун 498-чакырымында (Кыпчак-Талаа айылы) Daewoo Nexia үлгүсүндөгү жана Mercedes Sprinter унааларынын катышуусунда жол кырсыгы болду.

Кырсык болгон жерден 1 эркек киши (аты-жөнү такталууда) каза болуп жана 2 адам (1994-жылы туулган, 1998-жылы туулган эркек адамдар) ооруканадан каза болушкан, мындан сырткары 3 адам (1986-жылы туулган, 1994-жылы туулган, 1994-жылы туулган эркек адамдар) жабыркап Кочкор- Ата шаардык ооруканага жаткырылган.

КР ӨКМнин №55 өрткө каршы куткаруучу бөлүгүнүн куткаруучулар тактоо иш-чараларын жүргүзүштү.