Неймар "ПСЖ" клубунан "Барселонага" өтөрү айтылууда

"Пари Сен-Жермендин" чабуулчусу Неймар да Силва Сантос Жуниор кайрадан "Барселона" клубуна өтөрү айтылууда. Бул тууралуу Mundo Deportivo сайты жазган маалыматка шилтеме берип "Барометр" билдирет. 

Маалым болгондой, бразилиялык спортчу "ПСЖ" менен келишими бүтөрүнө аз калгандыктан кайрадан мурунку командасы "Барселонага" кайтып келүүгө ниети бар экени айтылууда.
 
Буга чейин, "Барселона" клубу Неймарга кайрадан коммандага ойноого сунуш киргизерин билдиришкен.

Неймардын "ПСЖ" менен болгон келишими 2022-жылы бүтөт.

Неймар "Барселона" клубунан "ПСЖ" клубуна 2017-жылы рекорддук контракт менен өткөн. Бул сезондо 29 жаштагы чабуулчу Франция чемпионатында 13 беттеш өткөрүп, алты гол киргизип (үчөө пенальтиден) жана үч пас берген.