Нарында болгон жол кырсыгынан 7 адам жабыркады

Нарын областында болгон жол-транспорт кырсыгынан 7 адам жабыркады. Бул тууралуу Өзгөчө кырдаалдар министрлигинин басма сөз кызматынан кабарлашканын “Барометр” маалымдайт.

Аталган кабарга таянсак, 19-сентябрда болжол менен саат 14:45те Кочкор районундагы Кочкор-Чаек жолунун 55-чакырымында, Кызарт белинде «КИА К5» жана «Субару Легаси» унаалары кагылышкан.

Жол кырсыгынан улам 7 адам ар кандай жаракаттарды алышты.

Окуя болгон жерде 4 куткаруучу иштеп жаракат алгандарды унаадан чыгарышып, тез жардам кызматкерлерине өткөрүп беришти.