Нарында жээктерди бекемдөө иштери аткарылууда

Нарын облусунда капиталдык курулуш, оңдоп-калыбына келтирүү жана авариялык-калыбына келтирүү алкагында коргоочу курулмаларды куруу, жээктерди бекемдөө жумуштарынын 2020-жылга карата Нарын облусунан  болжолдуу-планына 22 объектиде тиешелүү жумуштарды аткаруу пландалган.  Бул тууралуу ӨКМдин Басма сөз кызматы билдирди.  

Ал эми алдын алуу багыты - “Атайын алдын алуу жана кесепеттерин жоюу” иш-чараларын 2020-жылдагы Болжолдуу-планына  Нарын облусунун аймагынан 19 обьектиде жумуш аткаруу сунушталган. Кочкор районунун Көк-Жар айылындагы Жоон-Арык суусунун 990 метр аралыктагы жээгин бекемдөө иштери жүргүзүлдү. Аткарылган иштердин жыйынтыгында Көк-Жар айылынын 20 турак-жайы жана 1 мектеп сел жана суу ташкындарынан корголду. Аталган иш-чарага КР ӨКМдин техникалык каражаттары тартылды.

Бүгүнкү күндө ӨКМ тарабынан 2300 литр күйүүчү май бөлүнүп, Жумгал районунда 1 объектиде техника каражатынын жардамы менен жумуш аткаруу пландалууда.