Нарында 28 үйдү суу каптады

Нарында 28 үйдү сел суулары каптады. Бул тууралуу ӨКМдин басма сөз кызматына таянып "Барометр" билдирет.  

Нарын районундагы Куланак айыл аймагында 1-августта катуу жааган жаандын кесепетинен Куланак айылындагы Нурбай-Булуң каналына суу батпай ашып, Таштанбек көчөсүндө жайгашкан 14 турак үйдүн короолорун, Касымалы Ажы көчөсүндө жайгашкан 12 турак үйдүн короолорун жана Шүкүрбек көчөсүндө жайгашкан 2 үйдүн короосун суу каптаган. Жалпы 28 үйгө сел суулары кирген.  

Бүгүн, 3-август күнү тазалоо иштери уланат.