Нарын дарыясынан элүү жаштардагы аялдын денеси табылды

Кара-Көл шаарында Нарын дарыясына түшүп кеткен элүүлѳр чамасындагы  аялдын жансыз денеси табылды. Бул тууралуу ӨКМдин басма сөз кызматы билдирди.
Маалымат боюнча, жерине 11 куткаруучу тартылып, Бишкек—Ош унаа жолунун 424-чакырымында Нарын дарыясына түшүп кеткен 1969-жылы туулган И.А. аттуу аялдын жансыз денесин саат 01:40та суудан чыгарышкан. Андан соң маркумдун денесин ИИМдин кызматкерлерине өткөрүп беришкен.