Мурдагы министр эркин күрөш боюнча дүйнө чемпиондугуна катышат

Мурдагы ички иштер министри Мелис Турганбаев Македонияда өтө турган эркин күрөш боюнча ардагерлер арасындагы дүйнө чемпиондугуна катышат. Бул тууралуу күрөш федерациясынан билдиришти. 

Маалым болгондой, Скопье шаарында 28-30-сентябрда өтө турган мелдеште 3 жаш категорияда беттештер өтүп, анда Кыргызстандын атынан 4 балбан катышат.  Алардын  арасында Мелис Турганбаев да бар.  

Эске салсак, мурдагы ички иштер министри Мелис Турганбаев 2016-жылы Польшада өткөн чемпионатта 51-55 жаштагылар арасында 76 килограмм салмакта күрөшүп коло байгенин ээси болгон.