Үмүтай Абдышова "Веночек мира" онлайн сынагында жеңүүчү аталды

Пандемия учурунда Украинада "Веночек мира" онлайн конкурс-фестивалы уюштурулуп, мекендешибиз Үмүтай Абдышова жеңишке жетти. Сынакка дүйнөнүн 100дөн ашуун өлкөсүнөн таланттуу улан-кыздар ар түрдүү номинация боюнча катышып, калыстар тобу жана көрүүчүлөр упайлардын негизинде жеңүүчүнү бирге тандашты. Элдик-фолклордук чыгарманы аткаруу жана музыкалык инструментте ойноо багытында ат салышкан Үмүтай Абдышова аспапта ойноо боюнча  1-орунга, ырдоо боюнча 2-орунду ээледи.

Фейсбуктагы баракчасы сүйүнүчү менен бөлүшкөн таланттуу ырчы айым «Кубанычымда чек жок! "Веночек мира" конкурс-фестивалынын официалдуу ютуб баракчасында онлайн катышуучулардын, көрүүчүлөрдүн назарында кайра-кайра "Киргизия" сөзү жаңырып жатты. Күзүндө буюрса чоң программадагы гала-концертке катышып, дагы бир жолу "Киргизия" деген керемет сөздү даңктап келмекчимин» дейт ал.