Мирзиёев кайрадан шайлана алат: Өзбекстанда президенттик мөөнөттү 7 жылга чейин узартуу сунушталууда

Өзбекстандын президентинин ыйгарым укуктары беш жылдан жети жылга чейин узартылышы мүмкүн. Бул тууралуу жергиликтүү басылмаларга шилтеме берип “Барометр” билдирет. 

Маалым болгондой, мындай маалымат 15-мартта жарыяланган республиканын жаңы Конституциясынын долбоорунда айтылат, 

«Өзбекстан Республикасынын президенти Өзбекстан Республикасынын жарандары тарабынан жалпы шайлоо укугунун негизинде жашыруун добуш берүү аркылуу жети жылдык мөөнөткө шайланат», — деп айтылат документтин текстинде.  

Бул мыйзам төмөнкү кызмат адамдарына тиешелүү:   

• президент,    
• мыйзам чыгаруу палатасынын спикери,   
• Сенаттын төрагасы,    
• областтардын, райондордун жана шаарлардык кеңештин депутаттарынын төрагалары,    
• акимдер,    
• Жогорку соттун төрагасы жана төрагасынын орун басары,    
• Жогорку Соттор кеңешинин төрагасы жана төрагасынын орун басары,   
•  Борбордук шайлоо комиссиясынын төрагасы    
• Башкы прокурорлорго тиешелүү.   

Ошентип, мыйзам өлкөнүн азыркы лидери Шавкат Мирзиёевге үчүнчү жолу мамлекет башчылыгына шайланууга мүмкүндүк берет.      

Эске салсак, 10-мартта Өзбекстан парламентинин мыйзам чыгаруу (төмөнкү) палатасынын депутаттары Конституцияны жаңы редакцияда кабыл алуу боюнча референдумду 30-апрелге белгилешкен.       

Сенат бул чечимди 14-мартта жактырган. Негизги мыйзамдын жаңы редакциясына дагы 27 берене киргизилип, муну менен алардын жалпы саны 128ден 155ке чейин көбөйтүлүп, өзгөртүүлөр менен бирге Конституция 65 пайызга жаңыланган.