Министр Улукбек Кочкоров күйөрмандарга кайрылып, Кыргызстан – Тажикстан беттешинде улуттук курамабызды колдоого алууга чакырды

Эмгек жана социалдык өнүктүрүү министри Улукбек Кочкоров футбол күйөрмандарына кайрылып, Кыргызстан – Тажикстан беттешинде улуттук курамабызды колдоого алууга чакырды.

Бул тууралуу министр өзүнүн facebook баракчасына жазды. Улукбек Кочкоров журналист Актилек Гүлжигит кызы өз уулунун Кыргызстан – Япония беттешинде - "Ири эсеп менен утулуп калбаганыбызга шүгүр, 0:2 жакшы көрсөткүч", - деп келди балам”, - деген постун бөлүшүп билдирүү калтырган.

- Көңүл чөктүрбө. Эсеп эле жапондордун пайдасына болбосо, оюнда биздин Ак шумкарлардан артыкчылыгы болгон жок. Кудайым буюрса Кыргызстан сөзсүз дүйнө биринчилигине жолдомо алат. Келиниздер, баарыбыз 19-ноябрда стадионго келип азаматтарыбызды бирге колдойлу! -  деп айтылат министр Кочкоровдун билдирүүсүндө.