Министр Айдарбеков Консультативдик топ менен 2020-жылдагы өз ара иштөө багыттарын талкуулады

Бүгүн Тышкы иштер министри Чыңгыз Айдарбековдун төрагалыгы астында министрликтин алдындагы Консультативдик топтун кезектеги жыйыны өттү.

Бул тууралуу министрликтин маалымат департаменти кабарлады.

Жолугушууда экономикалык кызматташууну бекемдөөнүн конкреттүү иш-аракеттерине жана мындан аркы келечегине, ошондой эле бизнес долбоорлорду даярдоого жана аларды ишке ашырууга өзгөчө көңүл бурулду.

Тышкы иштер министрлигинин алдындагы Консультативдик топтун 2019-жылдагы иштеринин жыйынтыгы жана 2020-жылга карата өз ара аракеттенүүнүн приоритеттүү багыттары боюнча пикир алмашуу болду.

Жыйынга Кыргыз Республикасынын Инвестицияларды коргоо жана илгерилетүү боюнча агенттигинин, Экономика, Финансы, Айыл чарба, Туризм министрликтеринин, ошондой эле Соода-өнөр жай палатасынын, Кыргызстандын бизнес ассоциацияларынын өкүлдөрү катышты.