Милиция майрамда жоголуп кеткен 52 баланы ата-энесине таап берди

Бишкек милициясы эгемендик майрам учурунда адашып-жоголгон 52 баланы таап, ата-энесине өткөрүп берди.

Бул тууралуу Бишкек шаардык ички иштер башкы башкармалыгынын маалымат катчысы билдирди.

31-август күнү Ала-Тоо аянтындагы эгемендүүлүк майрамдоо салтанатында 52 бала ата-энесинен, жакындарынан, коштоочусунан адашып калышкан. Милиция өз учурунда издөө иштерин жүгүзүп, жогологон балдардын баарын таап ата-энесине, жакындарына өткөрүп беришкен.

Эгемендик майрамы учурунда Ала-Тоо аянтында балдардын жоголуп кеткендигинен башка эч кандай кырсык, мыйзам бузуулар катталган эместигин шаардык милиция кошумчалайт.