Милиция кызматкерлери Ново-Павловкада эки эркекти тоноп кетишти

Сокулук районунда тоноочулукка шектүү адамдар кармалды. Бул тууралуу Чүй областтык ички иштер башкы башкармалыгынан кабарлашты. 

29-апрелде Сокулук районунун ички иштер органдарына А.М. арыз менен кайрылган. Ал үстүбүздөгү жылдын 28-апрелинде болжол менен саат 21:00дө Ново-Павловка айылынын көчөсүнөн белгисиз адамдар анын жана таанышынын 430 долларын тартып алганы тууралуу арызданган.

Сотко чейинки териштирүү маалында шектүүлөрдүн бири милиция формасында болгону аныкталды.

Ыкчам иштердин жүрүшүндө 1-майда  23 жаштагы Ж.А., 25 жаштагы Л.Т.  жана 26 жаштагы Ж.Н. кармалып, Сокулук ИИБинин убактылуу кармоочу жайына камалды.

Учурда милиция кызматкерлерине карата кызматтык иликтөө башталды.