Милиция: "Дарыканада тапанча такап, 22 миң сом алып кеткендер өспүрүм балдар"

Бишкекте дарыкананы тоноп, тапанча менен коркутуп 22 миң сом акча алып кеткендер жаш балдар. Мындай маалыматты шаардык милиция кабарлады. 

Анда айтылгандай,  23-ноябрь күнү Ленин РИИБине тоноочулук фактысы болгон тууралуу билдирүү түшкөн. Анда белгисиз 3 адам дарыканага кирип, тапанча менен коркутуп 22 миң сом акча алып кетишкен. Бул факт боюнча кылмыш иши козголуп, жүргүзүлгөн иликтөө иштеринин алкагында кылмышка шектүү катары 1997-жылы туулган И.А. жана 2002-жылы туулган М.у.Б.аттуу өспүрүмдөр кармалып, 2 айга камакка алынышты. Кылмышка шектүүлөрдүн үйүнөн тапанча, бет каптар жана баңгизат табылган.

Учурда үчүнчү шектүү изделүүдө.