Месси 2021-жылдын башында "Манчестер Ситиге" өтүшү мүмкүн

Каталониялык "Барселонанын" чабуулчусу Лионель Месси ушул сезондо эле англиялык "Манчестер Ситинин" оюнчусу болуп калышы мүмкүн. Бул тууралуу The Sun басылмасы жазган маалыматка шилтеме берип “Барометр” которду.

Англиялык клубдун айтымында, футболчу  2021-жылдын январь айында алардын клубка өтүшү мүмкүн. Ошол эле учурда, "Манчестер Сити” тарабынан Мессиге сунушталган контракттын суммасы жашыруун бойдон калууда.

Эскерте кетмек, Месси каталониялык клуб менен келишимин мөөнөтүнөн мурда бузууга аракет кылган. Чабуулчу командадагы кырдаалга нааразы болуп, жетекчилиги менен келишпестиктер болгон, бирок, ал азыркы келишимдин аягына чейин “Барселонада” калууга аргасыз болгон. Муну ал аталган клубдун жетекчилиги менен сот иштерине чейин баргысы келбегендиги менен түшүндүргөн.