Мэриядагы орун алмашуулар. Түлөбаев жаңы вице-мэрлерди дайындады

Бишкек  шаарынын мэриясында кайрадан кадрдык өзгөрүүлөр орун алып, Алмаз Бакетаев биринчи вице-мэрликке кайтып келди. Бул тууралуу мэриянын маалымат кызматына шилтеме берип “Барометр” билдирет.

Нариман Түлеев борбор калаанын биринчи вице-мэри кызматынан бошотулуп, анын ордуна Алмаз Бакетаев кайрадан дайындалды.

Ал эми, Чыныбаева Айжан Адамкалиевна борбор калаанын социалдык маселелер боюнча вице-мэри болуп дайындалды.

Тиешелүү буйрукка мэрдин милдетин убактылуу аткаруучу  Балбак Түлөбаев кол койгон.

Эскерте кетсек, 5-6-октябрда орун алган башаламандыктан кийин калаа мэри Азиз Суракматов өз каалосу менен арызын жазып ээлеген кызматынан кеткен. Ошол күндөн бери, мэрияда орун алмашуулар, нааразы болгон тараптардын митингдери токтобой келет.