Мектеп окуучулары бара жаткан автобус кырсыктап, 18 бала жабыркап, төртөөнүн абалы оор

“Манас” аэропортуна кетүүчү жолдон GoBus автобусу менен мектеп автобусу кагылышып, окуучулар жаракат алды. Бул тууралуу саламаттык сактоо министрлигине шилтеме берип “Барометр” билдирет. 

 Маалым болгондой,Чүй облусунун координаторунун ыкчам маалыматы боюнча саат 11:15тер чамасында тез жардам кызматы чакырылып, эки бригада чыгып кеткен. 

“Адегенде алар тез жардам жана автостоп менен №1 шаардык клиникалык ооруканага жеткирилген, андан кийин Бишкек шаарындагы Медициналык тез жардам борборунан бригадалар чакырылып, балдарды шаардык балдардын тез жардам ооруканасына жеткиришкен.   

Алдын ала маалыматтар боюнча, жабыркагандардын саны 18ге жакын.   

  Маалым болгондой, төрт баланын абалы оор, реанимацияда. Дарыгерлер бардык керектүү жардамдарды беришет. Кошумча такталган маалымат кийинчерээк берилет”, -деп айтылат маалыматта.