Кой-Ташта каза болгон маркум Үсөн Ниязбековго полковник наамы ыйгарылат

Атамбаевди кармоо операциясында каза болгон УКМКнын атайын бөлүгүнүн өкүлү Үсөн Ниязбековдун артында төрт баласы калды. Ал 1-сентябрда полковник аскердик наам алмак.

Бул тууралуу Улуттук коопсуздук комитетинин башчысы Орозбек Опумбаев Парламенттин кезексиз жыйынында депутаттарга маалымат берип жатып айтты.

“Үсөн Ниязбеков Ошто, Өзгөндө бир катар террордук операцияларды каармандык, эрдик көрсөткөн болчу. Ал 1-сентябрда полковник наамын алмак. Тилекке каршы, каза болуп калды. Ага карабай маркум Үсөн Ниязбековго “өлгөндөн кийин” полковник наамы ыйгарылат”, - деди УКМКнын төрагасы Орозбек Опумбаев.

Жогорку Кенеш Атамбаевди кармоо атайын операциясындагы окуядан улам бүгүн кезексиз жыйынга чогулду. Учуда күч органдарынын жетекчилери окуя боюнча маалымат берип жатышат.