Майрамбек Осмоновдун клибине Жанар Акаев демөөрчү болду

Обончу жана аткаруучу, пародист жана ырчы, көп кырдуу талант Майрамбек Осмонов жакында эле “Алай тоолору” аттуу ырга клип тарттырганын интернет баракчасына жазды.

Майрамбек Осмоновдун “Алай тоолору” аттуу ырынын обону өзүнө тиешелүү. Ал эми сөзү КРнын эл акыны Шайлообек Дүйшеевге таандык. Бул ырга клип депутат Жанар Акаевдин демилгеси менен тартылганын ырчы билдирип, ал үчүн эл өкүлүнө ыраазычылык айтты.