Маданият, маалымат жана туризим министринин орун басары Айнура Темирбекова кызматтан кетти

Кыргыз республикасынын Маданият, маалымат жана туризм министринин орун басары Айнура Темирбекова кызматтан кетти. 

Бул тууралуу Маданият, маалымат жана туризм министри Азамат Жаманкулов “Темирбекова өткөн жумада арыз жазып, кызматтан кетүү чечимин башка долбоорлор менен алектенүүсүнө байланыштуу экендигин түшүндүргөн”-деп маалымат берди.

Ал эми Айнура Темирбекова кызматынан кетип жатканын Facebook баракчасына жазып, чогуу иштешкен бардык адамдарга, кызматташкан эл аралык уюмдардын өкүлдөрүнө ыраазычылык билдирди. Кызматтан кетүү чечимин ойлонуп кабыл алынганын баса  белгиледи.

Эске салсак, Темирбекова министрдин орун басары болуп 2013-жылы августта дайындалган.