Люксембург айылында унаа каналга түшүп кетти

Чүй областында жол кырсыгы болду. Бул тууралуу Өзгөчө кырдаалдар министрлигинин басма сөз кызматынан кабарлашканын “Барометр” маалымдайт.

Ведомсвто берген маалыматка таянсак, кечээ, 31-октябрда саат 23:50дө Люксембург айылында «Фольксваген Пассат» жеңил унаасынын айдоочусу рулду башкара албай калып жолдон чыгып кеткен. Унаа каналга кулаган.

Куткаруучулар унааны суудан алып чыгышты. Унаада эки адам болгон, алар жабыркаган жок.

Жеринде 4 куткаруучу иш алып барды.