Өлкө боюнча коронавирус 198 медициналык кызматкерге жукту

Кыргызстан боюнча бир суткада үч медициналык кызматкердин коронавирус жуктуруп алганы ырасталды. Бул тууралуу Коомдук саламаттык башкармалыгынын башчысы Айнура Акматова билдирди.

Ага ылайык, жаңы үч учур:

Бишкек ш. – 2

Нарын облусунда – 1.

Жалпысынан республика боюнча коронавирус 198 медициналык кызматкерге жуккан. Алардын ичинен 114 медкызматкер стационарлардан айыгып чыккан.

Ал ортодо 1-майга карата Кыргызстан боюнча 756 кишиге коронавирус жукканы аныкталды. Андан сырткары республика боюнча бүгүнкү күнгө чейин жалпы 504 бейтап айыгып, ооруканадан чыгарылды.