Кызсайкалдын мурунку жолдошу Эрнис кайрадан үлпөт той өткөрдү

Актёр жана модель катары элге  таанымал болгон Эрнис Айдаралиев үлпөт той өткөрдү. Бул тууралуу анын  достору соц тармакка жарылаган маалыматка шилтеме берип “Барометр” билдирет.

Кече, 14-сентябрда Эрнис менен жубайы Аделина калың элден бата алышып, үлпөт той өткөрүштү. Түгөйлөрдүн заманбап тою борбор калаадагы ресторандардын биринде орун алды.

Жакшылыкка күбө болгон шоу-бизнес өкүлдөрү тойдогу сүрөттөр менен бөлүшүп, эки жашка "түбөлүккө бактылуу болгула" деген каалоо-тилектерин айтышты.

Белгилей кетсек, Эрнис Айдаралиев буга чейин Кызсайкал Кабыловага үйлөнүп, түгөйлөр бир жыл жашап кыздуу болуп, эки ажырым жолго түшкөн.

Эрнис Айдаралиев 1997-жылы Орусиянын Алтай аймагында төрөлгөн. Үч бир туугандын улуусу. Учурда жеке бизнес менен алектенет.