Кыргызстанга UFCтин экс-чемпиону Хабиб Нурмагомедов келди

Кыргызстанга UFCтин экс-чемпиону Хабиб Нурмагомедов келди.Бул тууралуу “Барометр” маалымдайт. 

Аны бүгүн, 3-августта “Манас” аэропортунан EFC 38 турниринин уюштуруу комитетинин өкүлдөрү тосуп алышты.

Кыргызстанга Нурмагомедов анын командасындагы Зубайр Тухугов, Имар Нурмагомедов жана Усман Нурмагомедовдор менен келди.

Хабиб Нурмагомедов бүгүн, 3-августта Ысык-Көл областынын Чолпон-Ата шаарындагы ат майданда өткөрүлө турган аралаш күрөштүн лигасынын Eagle Fighting Championship (EFC 38) турнирине ардактуу конок болмокчу.

Турнир саат 17:00дө башталат. 

19 беттеш болуп, эң башкы мелдеште россиялык Руслан Яманбаев жана кыргызстандык Бусурманкул Абдибаит уулу беттешет.