Кыргызстанга 6,3 млн сомго автоунааларды мыйзамсыз жол менен ташып киргендер кармалды

 Кыргыз Республикасынын аймагына 3 «VOLVO» үлгүсүндөгү жүк ташуучу автоунаа каражаттарын, ошондой эле “ALTA» жана «OBERMAYER” үлгүсүндөгү чиркегичтерди мыйзамсыз ташып келүү фактысы Мамлекеттик бажы кызматынын кызматкерлери тарабынан аныкталды.

Бул тууралуу аталган мекеменин басма сөз кызматы бүгүн 24 январда билдирди.

“ЕАЭБтин Бажы аймагына товарларды жана транспорт каражаттарын мыйзамсыз ташып кирүү фактыларын табуу жана бөгөт коюу боюнча жүргүзүлгөн ыкчам иш-чаранын жыйынтыгында, Кыргыз Республикасынын аймагына 3 «VOLVO» үлгүсүндөгү жүк ташуучу автоунаа каражаттарын, ошондой эле “ALTA» жана «OBERMAYER” үлгүсүндөгү чиркегичтерди мыйзамсыз ташып келүү фактысы Мамлекеттик бажы кызматынын кызматкерлери тарабынан аныкталды”, - деп маалымдады Бажы кызматы.

Маалыматка ылайык, жогорудагы фактылар боюнча бажыга төлөнүүчү төлөмдүн жалпы суммасы 6 млн 398 миң 973 сомду түзөт. Бул фактылар боюнча чогултулган материал мыйзамга ылайык чара көрүү үчүн Кыргыз Республикасынын Генералдык прокуратурасына өткөрүлүп берилди.