Анжелика жана Чолпон Борбор Азиянын эң сулуу айымдарынын тизмесине киришти

Кыргызстандын, Казакстандын, Тажикистандын атактуу ырчы айымдары Кытай уюштурган  Борбор Азиянын эң сулуу аткаруучулар рейтингине киришти. Бул тууралуу аталган өлкөнүн басылмасы жазып чыкты.

Атактуу “Жаңы жибек жолу” басылмасы Борбор Азиядагы ажарлуу ырчы айымдар тизмесин жарыялаган. Анда кыргыз эстрадасынын өкүлдөрү да бул тизмеге кирген.

Кыргызстандын атынан Анжелика Кайратовна жана Чолпон Талипбек көрсөтүлгөн.

“Анжелика Кайратовна – Кыргыз ырчысы, актриса, теле алып баруучу, продюсер. Актёрдук жолун 2007-жылы баштаган. Бир нече сыйлыктын жеңүүчүсү”, - деп тааныштырылат.

“Өтө таланттуу кыргыз ырчысы жана ыр жаратуучу. “Non Stop” тобунун солисти катары таанылган”, - деп жазылат Чолпон Талипбек тууралуу.

Рейтинкке Кыргызстандын, Казакстандын, Тажикистандын 13 ырчы айымы кирген.

Өзбекстандан: Шахзода, Лола Юлдашева жана Райхон.

Казакстандан: Айдана Меденова, Камшат Жолдыбаева, Назима, Ерке Есмахан, Индира Едильбаева кирген.

Тажикистандан бул тизмеге: Зулайхо Махмадшоева, Мадина Акназарова жана Мехрнигори Рустам толуктаган.