Кыргызстандын тоолуу райондорунда жаан-чачын болот

 2020-жылдын 8-апрелинен 10-апрелине чейин Кыргызстандын тоолуу райондорунда жаан-чачын болушу ыктымал. Бул тууралуу  КР ӨКМдин Басма-сөз кызматы билдирди.   

Күтүлүп жаткан жаан-чачынга байланыштуу жолдордун айрым участокторунда  тайгак болуп муз тоңот, кар күрткүсү жана кар көчкү түшүү коркунучу сакталат:      

• Бишкек-Ош унаа жолунун 121-138 чакырымдарында (Төө-Ашуу ашуусу),  
• 198-255 чакырымдарында (Ала-Бел ашуусу, Чычкан капчыгайы),  
• Ала-Бука-Жаңы-Базар-Кировка унаа жолунун 71-74 чакырымдарында (Чапчыма ашуусу),  
• Красная-Горка-Ак-Таш унаа жолунун 1-4 чакырымдарында, Казарман-Актал-Чат унаа жолунун 67-93 чакырымында (Кара-Гөө ашуусу),  
• Каракол-Эңилчек унаа жолунун 64-90 чакырымдарында (Чоң-Ашуу ашуусу) . 

Унаалардын ортосундагы 500 метр аралык кыймыл чектелиши зарыл.