Кыргызстандык жөө күлүк Мусулман Жоломанов Украинада өткөн мелдеште күмүш тагынды

Мусулман Жоломанов Украинанын Ачык чемпионатында күмүш медаль жеңди. Бул тууралуу жаштар иштери, дене тарбия жана спорт боюнча мамлекеттик агенттиктин маалымат кызматына шилтеме берип “Барометр” билдирет.

Маалым болгондой, жеңил атлетика боюнча курама команданын мүчөсү Мусулман Жоломанов тоскоолдуктар менен 3000 м аралыкка чуркоо боюнча (8:54:10), Украинанын Ачык чемпионатында 2-орунду ээлеген.

"Мелдеш 9-12-февраль күндөрү Украинанын Сумы шаарында өттү", - деп айтылат маалыматта.

Белгилей кетсек, Спорттун олимпиадалык түрлөрү боюнча дирекциясынын негизги республикалык жана эл аралык мелдештердин календардык планына ылайык жөө күлүктөр башкы машыктыруучу Сатыбек Чокаевдин жетекчилиги алдында иш-сапарга жөнөтүлгөн.