Кыргызстандык үч дзюдочу дүйнөлүк рейтингде мыкты 30 спортчунун катарына кирди

Кыргызстандык үч дзюдочу дүйнөлүк рейтингде мыкты 30 спортчунун катарына кирди. Бул тууралуу “Барометр” билдирет. 

Маалым болгондой, Эл аралык дзюдо федерациясы Анталияда өткөн Гранд Слам турниринен кийин дзюдочулардын дүйнөлүк рейтингин жаңылады.

Кыргызстандын дзюдо федерациясынан билдиришкендей, Эрлан Шеров дүйнөлүк рейтингде көтөрүлүп, 15-сапка жайгашты.

Ал эми Кубанычбек Айбек уулу менен Асад Масабиров мыкты 30 спортчунун катарына кирди.

Эскерте кетсек, Кубанычбек Айбек уулу Тбилиси шаарында өткөн Grand Slam турниринин жеңүүчүсү болгон.