Кыргызстандык Азат Усеналиев Финляндияда өткөн мелдеште алтын медаль утту

Кыргызстандык Азат Усеналиев Финляндияда өткөн бокс боюнча эл аралык Gee Bee турниринде алтын медаль утту.

Турнир 7-10-мартта Хельсинки шаарында болгон. Беттешке 15 өлкөнүн спортчулары катышкан. Азат Усеналиев 52 килограмм салмак категориясы боюнча чыгып, эки беттеш өткөргөн. ½ финалда индиялык Сачинди 4:1 эсебинде жеңип, биринчи орун үчүн ат салышкан маалда казакстандык Азат Махметовду 3:2 эсебинде утуп алган.

Эки апта мурда Азат Усеналиев Бишкекте өткөн турнирде чемпион болгон эле.