Кыргызстанда бир жылда жумушсуздардын саны өстү

Кыргызстанда бир жылда расмий катталган жумушсуздардын саны көбөйдү. Бул тууралуу Улуттук статистикалык комитеттен кабарлашканын “Барометр” билдирет.

Аталган ведомство Саламаттыкты сактоо жана социалдык өнүгүү министрлигине шилтеме берүү менен 1-августта 80,5 миң жумушсуз адам катталганын, бул өткөн жылдын ушул датасына салыштырганда бир жарым эсеге көп экенин маалымдайт.

Жумушсуздук эң көп катталган аймак Жалал-Абад областы- 23 миң адам жана кийинки катарда Ош областы - 20 миң адам болду.

Ал эми Бишкек шаарында жумушсуздардын саны 23 пайызга, Чүй областында 20,6 пайызга жогорулады.