Кыргызстан менен Тажикстандын чек арасында болгон чатак тынчыды

Кыргызстандын Баткен областынын Аксай айылынын тургундары менен Тажикстандын Мехнатабад айылынын тургундарынын ортосундагы чатак жөнгө салынды. Бул тууралуу Мамлекеттик чек ара кызматынын басма сөз кызматы кабарлады.  

Чатактын келип чыгышына Аксай-Тамдык  айланма жолунун курулушу себеп болгон.

 70тей тажик жараны жана 50дөй кыргызстандыктар бири-бирине таш ыргытышкан.

 Окуя болгон жерге барган кыргыз жана тажик чек арачылары чатакты тынчтандырышты.

“Учурда кырдаал көзөмөлдө. Калк арасында түшүндүрүү иштери жүрүп жатат”,-деп кабарлашты ведомстводон.