Кыргызстан менен Беларустун ТИМ башчылары телефон аркылуу сүйлөштү

2025-жылдын 9-декабрында Кыргызстандын тышкы иштер министри Жээнбек Кулубаев Беларус Республикасынын тышкы иштер министри Максим Рыженков менен телефон аркылуу сүйлөштү.

Тараптар эки тараптуу кызматташтыктын учурдагы абалы жана келечегин талкуулап, аймактык жана эл аралык актуалдуу маселелер боюнча пикир алмашышты.

Министрлер көп тараптуу кызматташуунун, анын ичинде ШКУнун алкагында кызматташуунун маанилүүлүгүн белгилешти.

Кулубаев 2025–2026-жылдарга карата Уюмдун потенциалын чыңдоого жана аймактык демилгелерди биргелешип алдыга жылдырууга багытталган Кыргызстандын ШКУга төрагалыгынын артыкчылыктарын белгиледи.