Айсулуу Тыныбековага алтын медаль тапшыруу аземи өттү. Кыргызстандын желеги желбиреп, гимн жаңырды

Сербияда өтүп жаткан Дүйнөлүк Кубокто Кыргызстандын гимни дагы бир жолу жаңырып, Айсулуу Тыныбековага  алтын медаль тапшырылды.

Эркин күрөш боюнча Дүйнөлүк Кубоктун беттешинде ушуну менен экинчи ирет кыргыз желеги желбиреп, гимн ырдалды.

Финалдык беттеште Айсулуу Тыныбекова ишенимдүү күрөшүп, алгачкы мөөнөттөрдө эле 4 балл топтоп,  өзүнүн мыктылыгын көргөздү. Беттештин жүрүшүндө балбан кыз 14:0 эсеби менен эрте жеңишке жетип, алтын медаль тагынды.

Эскерте кетсек, буга чейин  Жоламан Шаршенбеков да алтын медаль жеңип алып, кыргыз желегин желбиретип, гимн ырдалган.