Премьер-министрдин милдетин Кубатбек Боронов аткарат

Кубатбек Бороновго Кыргыз Республикасынын Премьер-министринин милдетин аткаруу жүктөлдү. Бул тууралуу президенттин сайты кабарлайт.

Кыргыз Республикасынын Президенти Сооронбай Жээнбеков кол койгон Жарлыкка ылайык, Кыргыз Республикасынын Премьер-министринин биринчи орун басарынын милдетин аткаруучу Боронов Кубатбек Айылчыевичке Кыргыз Республикасынын Өкмөтүнүн жаңы курамы түзүлгөнгө чейин Кыргыз Республикасынын Премьер-министринин милдетин аткаруу жүктөлдү.

Ушул эле Жарлык менен Абылгазиев Мухаммедкалый Дуйшекеевич берген арызына ылайык, Кыргыз Республикасынын Премьер-министринин милдетин аткаруудан бошотулду.