Кыргыз депутаттары америкалык айымдардын ооздорун ачырышты

Америка Кошмо Штатында  президент Дональд Трамп жана 100 дөн ашуун өлкөнүн парламенттеринин өкүлдөрү менен биргеликте улуттук түлөөгө  (Национальный молитвенный завтрак) катышып жүрүшкөн Жогорку Кеңештин депутаттары өзүлөрүнүн сырткы келбети менен чет өлкөдөн келген кесиптеш айымдардын ооздорун ачырышкан. Бул тууралуу өзүнүн Фейсбуктагы баракчасына депутат Жылдыз Мусабекова билдирген.

“ Кыргыз калпагына кызыккан, суктанган, таң калгандар көп болду.”, - деп билдирген депутат айым.

Видеодо кыргыз эл өкүлдөрү иш-чарага улуттук баш кийимибиз ак-калпакты кийип баргандарын көрүүгө болот.

Айрым комментарий калтырган окурмандар Жылдыз Мусабековага : “Элечек кийип алсаңыз, мындан да укмуш болмок экен»,- деген комментарийлерин калтырышкан.

Эске салсак, башкы максаты эл жердин тынчтыгы, мамлекеттердин өнүгүүсүн тилеген сыйынуу иш –чарасы ( Национальный молитвенный завтрак) бейформал форматта 1952-жылдан бери АКШда  өткөрүлүп келет. Быйыл биздин өлкөнүн атынан депутаттар: Жылдыз Мусабекова, Пархат Тулендыбаев, Бакыт Төрөбаев, Алмамбет Шыкмаматов, Абдыбек Дуйшалиев, Улукбек Ормонов, Нурбек Алимбековдор барган.