Кувакы ашуусунда жол кырсыгынан эки адам каза болду

Бүгүн, 18-июнда Кавакы ашуусунда жол кырсыгынан эки адам каза болду. Бул тууралуу ӨКМнын басма сөз кызматына шилтеме берип “Барометр” билдирет.

Маалыматка ылайык, Бишкек-Нарын-Торугарт унаа жолунун 180-чакырымында (Кувакы ашуусу) MAN оор жүк ташуучу унаанын айдоочусу рулга ээ боло албай жолдон чыгып, жардан түшүп кеткен. Кырсыктын кесепетинен 2 эркек киши (аты-жөндөрү такталууда) каза болгон.

Жерине төрт куткаруучу тартылып, каза болгон жарандардын жансыз денелерин унаадан чыгарышып ИИМ кызматкерлерине өткөрүп беришкен.