Кумтөр кенинде түнкү нөөмөттө иштеген эки кызматкер жоголду

Бүгүн, 1-декабрда "Кумтөр" компаниясынын эки кызматкери жоголуп кетти. Бул маалыматты "barometr.kg" сайтына күч органдары билдирди.

Кендин эки кызматкери дайыны чыкпай калганы таңкы саат 05:30да  маалым болгон. 

"Алар түнкү нөөмөттө иштешкен. Бульдозердин айдоочусу менен бир мастер болчу", - деп билдирет тийиштүү кызматтын өкүлдөрү.

Учурда издөө иштери уланууда. 

Алдын ала маалыматтар боюнча кызматкерлер Кумтөрдөгү жер көчкүдө калып калышы мүмкүн.