Күрөш. Дүйнө чемпионаты: Нурмухаммед колунда турган колону уттурду

Кыргызстандык грек-рим күрөшчү балбан Нурмухаммед Абдуллаев 55 кило салмакта жаштар арасында дүйнө чемпионатынын коло байгеси үчүн япониялык Keн Mатсуи менен күрөшүп жеңилип калды.

Бул тууралуу грек-рим күрөшү боюнча Кыргызстандын жаштар курамасынын машыктыруучусу Шухрат Ушуров “barometr.kg” сайтына билдирди.

“Нурмухаммед Абдуллаев 2 ирет артыкчылыкты сактап кала албады. Бир учурда 8:2 эсебинде, дагы бир учуда 12:6 эсебинде утуп жаткан болчу. Кийинчерээк эсеп 12:9 болуп, беттештин бүтөрүнө 17 секунда калганда Keн Mатсуи чеберчилик менен 4 упайлык ыкма жасап, жеңишти илип кетти”, -деди машыктыруучу Шухрат Ушуров.

Күрөштүн түрлөрү боюнча жаштар арасында Дүйнө чемпионаты ушул күндөрү Таллин шаарында (Эстония) өттү.