Коронавирус дүйнө жүзү боюнча дээрлик 4 миллион кишиге жукту

Дүйнө жүзү боюнча коронавирус 3,9 миллион кишиге жукту. Ошол эле маалда 1,3 миллиондон ашык киши оорудан айыкты. Ал эми 273 684 киши оорунун курмандыгы болду.

Оору жуккандар жана каза болгондордун саны боюнча АКШ биринчи орунда. 1 миллион 279 миң 546 кишиге илдет жугуп, 76 706 киши каза болду.

Андан кийинки орунда Испания турат, 222 857 кишиден вирус табылып, 26 299 киши өмүрү менен кош айтышты.

Италияда дагы абал оор, 217 миңден ашык кишиге оору жугуп, 30 201 киши өлдү.

Ошондой эле, Улуу Британия, Россия, Иран, Франция, Германия, Бразилия, Түркияда дагы кырдаал курч.