Кочкордо, Ысык-Атада жер титиреди

Кочкордо, Ысык-Атада жер силкинди. Бул тууралуу ӨКМдин басма сөз кызматына таянып "Барометр" билдирет. 

Кечээ, 22-мартта Сейсмология институтунун маалыматына ылайык, саат 16:45те КРнын аймагында очогунда күчү 3 баллга жеткен жер титирөө катталган. Жер титирөө Нарын облусунун Кочкор районунун Кочкор, Семиз-Бел, Кара-Тоо, Арсы айылдарында 3 баллга чейин сезилген. 

Ошондой эле саат 18:17де Чүйдө очогунда күчү 3,5 баллга жеткен жер титирөө катталган. Жер титирөө Чүй облусунун Ысык-Ата районунун "Ысык-Ата" курортунда жана Чүй районунун Арпа-Тектир айылында 3 баллга чейин сезилген. 

Жер титирөөдөн жабыркагандар жана кыйроолор катталган жок.