Талашка түшкөн кызмат. Тилек Токтогазиев да өзүн премьер-министрлик кызматка көрсөтүп жатат

Бүгүн, 7-октябрда Бишкекте премьер-министрдин кызмат ордуна байланыштуу талаш-тартыштар уланууда.

Бишкектин борбордук аянтында эл кайрадан митингге чогулуп, ага бир катар оппозициялык саясий партиялардын жана жаштар уюмдарынын өкүлдөрү катышты.

Катышуучулар жаш кадрларга орун бошотуп, эски саясатчылардын бийликке келишине жол бербөөнү талап кылышты.

Митинг учурунда “Ата Мекен” партиясынан депутаттыкка талапкер Тилек Токтогазиев кандайдыр бир координациялык кеңештин чечимине таянып, өзүн жаңы премьер-министр деп жарыялады.

Өткөн суткада кимдер гана координациялык кеңеш түзгөн жок,  алар үчтөн ашты. Жана ушул координациялык кеңештер деп аталгандар өздөрүн өлкөдөгү эң жогорку бийлик деп эсептешет. Албетте, бул бирикмелердин баарынын юридикалык статусу жана күчү жок. Ошондуктан, алардын чечимдери мыйзамсыз.

Бирок митингдин айрым катышуучулары Тилек Токтогазиевдин премьер-министр болуу сунушуна макул болгон жок. Алардын оюу боюнча, ал Матраимов тарабынан каржыланган «Ата Мекен» партиясынан талапкер.

Жеринде Садыр Жапаров менен Тилек Токтогазиевдин тарапташтарынын ортосунда кагылышуу болуп, андан соң "Жаштар!" деп кыйкырган демонстранттар Өкмөт үйүнө жөнөштү.

Бирок Өкмөт үйүнүн батыш кире беришинин босогосунда Токтогазиевди премьер-министрдин кызмат ордуна талапкер Садыр Жапаровдун кошууну жана жактоочулары киргизбей коюшту.

Токтогазиев тарапташтары менен бирдикте көпкө чейин өкмөт үйүнө кире албай турушту. Садыр Жапаровдун тарапташтары коргонууну бекем кармашты. Токтогазиев өзүн жаңы премьер-министрмин деп кыйкырганы жардам берген жок.

Эскерте кетсек, кечээ парламенттин көпчүлүк коалициясы Садыр Жапаровдун талапкерлигин жактырган.

Белгилей кетсек, учурда парламент легитимдүү орган болуп саналат. Жаңы премьер-министрди шайлоого Жогорку Кеңеш гана укуктуу.

Узакка созулган каршылыктан кийин, Токтогазиев кайрадан элдин арасынан чыга калып, ага чалып жатканын айтып “тынчтанып тургула” деп кыйкырды. "Алар мага чалышат!", - деди ал каарданып.

Телефон чалуудан көрсөтмөлөрдү алгандан кийин, Токтогазиев тарапташтары жана журналисттердин  курчоосунда Өкмөт үйүнүн чыгыш кире беришин көздөй жөнөдү. Кире бериште да күзөтчүлөр болгон, бирок алар азыраак болчу.

Эшиктердин жабыгына жана күзөтчүлөрдүн көрсөткөн каршылыгына карабастан, Тилек Токтогазиевдин тарапташтары аны имараттын ичине киргизип кетишти.

Бир аз убакыт өткөндөн кийин ал, өз кызыкчылыгын көздөп, бийлик бөлүштүрүп жаткан оппозициялык саясий партиялардын өкүлдөрүнүн жолугушуусу өтүп жаткан жыйындар залына кирип барды.

Бардык саясий күчтөр бир координациялык кеңешти таанышы керек экендигин, ошондо гана анын чечимдери мыйзамдуу экендигин эске алуу зарыл.