Өкмөт ар бир аймакка бирден компьютердик томография аппаратын сатып алууну пландап жатат

Компьютердик томография кызматтарынын баасын төмөндөтүү маселесин чечүү кыйын. Бул тууралуу вице-премьер-министр Эльвира Сурабалдиева 26-ноябрдагы брифинг учурунда билдирди.

Анын айтымында, томография аппаратынын баасы кымбат жана аларды жеке ишкерлер алып келишкен.

«Тактап айтканда, бир аппараттын баасы болжол менен 1,5 миллион сомду түзөт, транспорт маселеси дагы татаал. Дүйнөдө бул шайманга суроо-талаптын өсүшүнө байланыштуу, заводдордо өндүрүш жетишсиз болууда », - деди ал.

Сурабалдиева белгилегендей, учурда өкмөт ар бир аймакка бирден компьютердик томография аппаратын сатып алууну пландап жатат. Донорлор аныкталды жана сатып алуу процесси уланууда.

«Рентген аппараттарына келсек, өлкөдө 168 рентген аппараттары бар. Декабрь айында дагы 40 шайман келет. ERIK долбоорунун алкагында 68 миң долларга 7 рентген аппараттары сатылып алынды. Бардык аппараттар аймактар боюнча бөлүштүрүлдү », - деп кошумчалады ал.