Өзгөндөгү жол кырсыгынан 3 адам каза болду (Сүрөт)

Мырзаке – Кара-Шоро унаа жолунда жол кырсыгынан  3 адам каза болуп, 1 эркек киши жабыркады. Бул тууралуу КР ӨКМ басма сөз кызматы билдирди. 

Кечээ, Өзгөн районунда Салам-Алик айыл аймагынын Мырзаке – Кара-Шоро унаа жолунун 52-чакырымында “Daewoo Tico” үлгүсүндөгү унаанын айдоочусу рулга ээ боло албай, унаа жолдон чыгып оодарылып кеткен. 

Кырсыктын кесепетинен 3 эркек киши каза болуп, 1 эркек киши жабыркаган (аты-жөндөрү такталууда). 

Жерине КР ӨКМнин Өзгөн райондук №53 өрткө каршы куткаруу бөлүмүнүн куткаруучулары барып, каза болгондордун жансыз денелерин унаадан чыгарып ИИМ кызматкерлерине өткөрүп беришкен. Ал эми жабыркаган адамды тез жардам кызматы Мырзаке айылындагы ооруканага жеткирген.